پاکستان سے ٹیسٹ، بنگلادیشی بورڈ آئی سی سی کے فیصلے کا منتظر

 لاہور: پاکستان میں ملتوی ہونے والے ٹیسٹ چیمپئن شپ میچ کے حوالے سے بنگلادیشی بورڈ آئی سی سی کے فیصلے کا منتظر ہے۔

بنگلادیش نے راولپنڈی میں پہلا میچ جیت لیا تھا، دوسرے کے لیے بنگلادیشی ٹیم کو اپریل میں دوبارہ کراچی آنا تھا لیکن کورونا وائرس کی وجہ سے دورہ ملتوی ہوگیا،پی سی بی نے ستمبر 2022 تک جو مجوزہ شیڈول جاری کیا۔ اس میں بنگلادیش کے خلاف اس ٹیسٹ کا کوئی ذکر تک نہیں، البتہ آئندہ سال نومبر میں پاکستان ٹیم کو پڑوسی ملک کا دورہ کرنا ہے۔

بی سی بی کے چیف ایگزیکٹیو نظام الدین چوہدری نے کہاکہ ٹیسٹ چیمپئن شپ کا میچ ہونے کی وجہ سے آئی سی سی کو اس کا فیصلہ کرنا ہے جو اگلی میٹنگ میں متوقع ہے۔

پی سی بی کے ترجمان نے کہا کہ ملتوی ہونے والے میچز کے حوالے سے بورڈز بات چیت سے کوئی متفقہ فیصلہ کر سکتے ہیں۔

The post پاکستان سے ٹیسٹ، بنگلادیشی بورڈ آئی سی سی کے فیصلے کا منتظر appeared first on ایکسپریس اردو.

شکریہ ایکسپریس اردو » کھیل