ٹورونٹو: سوشل میڈیا پر ایک ویڈیو تیزی سے وائرل ہو رہی ہے جس میں دکھایا گیا ہے کہ کینیڈا کی سڑک پر دو لوگوں میں لڑائی ہورہی ہے جن میں سے ایک شخص اپنے پالتو ازگر سانپ (python) کو ہتھیار کے طور پر استعمال کر رہا ہے۔
میڈیا رپورٹس کے مطابق یہ عجیب و غریب واقعہ رات 11:50 پر میننگ ایونیو کے علاقے میں پیش آیا۔ ویڈیو میں دکھایا گیا ہے کہ ایک شخص اپنے پالتو سانپ کو ہوا میں زور زور سے لہراتے ہوئے سڑک کے بیچوں بیچ ایک شخص کو مار رہا ہے۔
Dude uses his pet snake as a weapon during street fight in Toronto
pic.twitter.com/T2lLKaLe4E
— Crazy Clips (@crazyclipsonly) May 13, 2023
مار کھانے والا شخص اپنا دفاع کرنے کی پوری کوشش کرتا ہے لیکن آدمی اسے سانپ سے پیٹتا رہتا ہے تاہم سیکنڈوں بعد ٹورنٹو پولیس کی ایک گاڑی آتی ہے اور پولیس اہلکار دونوں میں بیچ بچاؤ کرتے ہوئے نظر آتے ہیں اور حملہ آور سانپ کو زمین پر گرا دیتا ہے۔
پولیس نے بتایا کہ انہیں ایک ایسے شخص کے بارے میں کال موصول ہوئی تھی جو لوگوں کو ازگر سانپ سے ڈرا رہا تھا۔ دونوں فریقین کے درمیان ہاتھا پائی شروع ہوئی جس میں ایک شخص نے دوسرے پر حمل کرنے کیلئے اپنے پالتو ازگر کو لے آیا۔
The post کینیڈا: لڑائی کے دوران شہری اپنے پالتو ازگر سانپ کو بطور ہتھیار لے آیا appeared first on ایکسپریس اردو.
شکریہ ایکسپریس اردو » دلچسپ و عجیب