انٹرنیشنل کرکٹ کونسل (آئی سی سی) نے کرکٹ کو اولمپکس میں شامل کروانے کی درخواست دیدی۔
غیر ملکی میڈیا رپورٹس کے مطابق آئی سی سی کی جانب سے انٹرنیشنل اولمپک کمیٹی (آئی او سی) کو سبز باغ دیکھاتے ہوئے موقف رکھا ہے کہ کرکٹ کو اولمپکس کا حصہ بناکر بھارت کی مارکیٹ میں بڑی کمائی کی جاسکتی ہے۔
دنیا بھر میں کرکٹ کے ایک رب سے زیادہ فینز ہیں اور 90 فیصد شائقین کرکٹ چاہتے ہیں کہ کرکٹ کو اولمپکس کا حصہ بنایا جائے، کرکٹ کو شامل کرنے سے بھارت میں اولمپکس رائٹس کی مد میں 130 سے 260 ملین ڈالر مل سکتے ہیں۔
مزید پڑھیں: انٹرنیشنل کرکٹ کا نیا فنانشل ماڈل تیار، بھارتی بورڈ کی سب سے زیادہ کمائی
پیرس اولمپکس 2024 کیلئے آئی او سی کو محض 31 ملین ڈالر کے رائٹس ملے ہیں۔
دوسری جانب اولمپکس میں کرکٹ کو شامل کرنے کیلئے انٹرنیشنل کرکٹ کونسل (آئی سی سی) بھارتی بورڈ کے سربراہ جے شاہ کی سربراہی میں ایک کمیٹی تشکیل دی گئی ہے۔
مزید پڑھیں: آئی سی سی کی کمائی؛ بڑے بھارتی حصے پر مزید سوال اٹھ گئے
آئی سی سی کی تجویز ہے کہ اولمپکس میں مردو خواتین کی 6،6 کرکٹ ٹیمیں ٹی20 فارمیٹ پر کھیلیں گی تاہم کرکٹ کو شامل کرنے کا حتمی فیصلہ ممبئی میں آئی او سی کی اکتوبر میں ہونے والی میٹنگ میں کیا جائے گا۔
مزید پڑھیں: بھارت نے کتنے فیصد اضافی کمائی کیلیے آئی سی سی پر دباؤ ڈالا؟
واضح رہے کہ آئی سی سی کے نئے فنانشل ماڈل کے تحت بھارتی بورڈ سب سے زیادہ کمائی کرے گا، جسکو سالانہ 38.5 فیصد حصہ دینے کی تجویز سامنے آئی ہے یعنی بھارتی بورڈ سالانہ 230 ملین ڈالر (پاکستانی روپوں میں 66 ارب روپے سے زائد) بنتے ہیں۔
The post آئی سی سی نے کرکٹ کو شامل کرنے کیلیے اولمپکس کمیٹی کو سبز باغ دکھادیے appeared first on ایکسپریس اردو.
شکریہ ایکسپریس اردو » کھیل