کراچی: ایمرجنگ ایشیا کپ میں پاکستان کے ہاتھوں بھارتی ٹیم کی شکست پر سابق فاسٹ بولر عرفان پٹھان نے دلچسپ ٹویٹ کر دی۔
سماجی رابطے کی ویب سائٹ ٹویٹر پر عرفان پٹھان نے لکھا کہ بھارتی ٹیم کی شکست پر افسردہ نہیں ہوں کیونکہ ’’اب تو عادت سی ہے ایسے جینے میں‘‘۔
انہوں نے لکھا کہ ’’میں نے پورے میچ کے دوران سونے کو ترجیح دی کیونکہ میں میچ کا نتیجہ جانتا تھا‘‘۔
بھارتی ٹیم کے سابق کھلاڑی عرفان پٹھان نے اپنی ٹویٹ میں پاکستان ٹیم کو دل سے مبارکباد دی اور کہا کہ میرا اتوار بہت زبردست گزرا۔
مزید پڑھیں؛ پاکستان نے بھارت کو شکست دیکر ایمرجنگ ایشیا کپ جیت لیا
واضح رہے کہ گزشتہ روز اے سی سی مینز ایمرجنگ ایشیا کپ کے فائنل میں پاکستان نے بھارت کو 128 رنز سے شکست دیکر ٹائٹل اپنے نام کر لیا تھا۔
The post پاکستان کے ہاتھوں بھارت کی شکست پر عرفان پٹھان کی دلچسپ ٹویٹ appeared first on ایکسپریس اردو.
شکریہ ایکسپریس اردو » کھیل