لاہور: بھارتی کرکٹ بورڈ کی درخواست پر پاکستان کرکٹ بورڈ نے دو میچز کے شیڈول میں تبدیلی پر رضامندی ظاہر کردی ہے۔
ذرائع کے مطابق پاکستان ٹیم اب پانچ روز میں تین میچز کھیلے گی جس میں بھارت کے ساتھ میچ بھی شامل ہے۔ پاک بھارت میچ اب 14 اکتوبر کو احمد آباد میں کھیلا جائے گا۔
پاکستان اور ہالینڈ کے درمیان میچ جو چھ اکتوبر کو حیدر آباد میں کرانے کا اعلان کیا گیا تھا وہ میچ چار روز آگے بڑھا دیا گیا ہے۔ اب یہ میچ دس اکتوبر کو حیدر آباد میں ہی کھیلا جائے گا۔
قومی ٹیم نے سری لنکا کے ساتھ میچ بھی بارہ اکتوبر کو کھیلنا ہے۔ پی سی بی نے ورلڈ کپ میچز کے شیڈول میں ردوبدل پر بھارتی کرکٹ بورڈ حکام کو کوئی اعتراض نہ ہونے کا جواب بھجوا دیا ہے۔
بھارتی کرکٹ بورڈ پی سی بی کی رضامندی ملنے کے بعد آئی سی سی حکام کی مشاورت سے باقاعدہ اپ ڈیٹ شیڈول جاری کرے گا جس میں اہم ترین پاکستان اور بھارت کا میچ ہے جو ترمیم شدہ شیڈول کے مطابق احمد آباد میں اب ایک روز پہلے 14 اکتوبر کو ہوگا۔
ورلڈ کپ کا پانچ اکتوبر سے آغاز ہورہا ہے۔ میچوں کے شیڈول میں تبدیلی لاجسٹک ایشوز کی وجہ سے کی گئی ہے۔
The post پاکستان نے ورلڈ کپ شیڈول میں تبدیلی کی بھارتی درخواست قبول کرلی appeared first on ایکسپریس اردو.
شکریہ ایکسپریس اردو » کھیل