زہریلے ’فار ایور کیمیکلز‘ سے نمٹنے کا طریقہ کار دریافت

ایک نئی تحقیق میں بتایا گیا ہے کہ زہریلے فار ایور کیمیکلز کو ایکویریئم صاف کرنے کے لیے استعمال کیے جانے والے فعال کاربن کی ایک قسم کی مدد سے پینے کے پانی سے نکالا جا سکتا ہے۔ فار ایور کیمیکلز (پر اور پولی فلورو الکائل مرکبات – پی ایف ایز) صنعتی کیمیکلز کی ایک قسم ہیں جو متعدد اشیاء (جیسے کہ نان-اسٹک کُک ویئر، کاسمیٹکس، اسٹین-ریزسٹنٹ فیبرکس، فائر فائٹنگ فوم، فوڈ پیکجنگ اور واٹر پروف کپڑے) بنانے میں استعمال ہوتے ہیں۔ یہ مرکبات (جو ماحول میں سیکڑوں یا ہزاروں برس تک باقی رہ سکتے ہیں) بانجھ پن اور بچوں کی نشو نما میں تاخیر کے علاوہ کچھ اقسام کے کینسر کے ساتھ تعلق رکھتے ہیں۔ محققین طویل مدت ایسے ایسا طریقہ ڈھونڈنے کی کوشش کر رہے تھے جس سے یہ کیمیکل ماحول سے نکالے جا سکیں یا پھر کم از کم غیر نقصان دہ ان آرگینک مرکبات میں بدل دیے جائیں۔ اب جرنل انوائرنمنٹل سائنس اینڈ ٹیکنالوجی میں شائع ہونے والی ایک تحقیق مین بتایا گیا ہے کہ گرینیولر ایکٹیویٹڈ کاربن (جی اے سی) نامی ایک عام مٹیریل ان کیمیکلز کو تحلیل کر سکتا ہے۔ یونیورسٹی آف میشوری سے تعلق رکھنے والے تحقیق کے ایک مصنف فینگ شیاؤ کا کہنا تھا کہ اب ان کیمیکلز سے چھٹکارہ پانے کے لیے آپ کو کسی آرگینک محلول یا بلند درجہ حرارت کی ضرورت نہیں۔ بس پی ایف یاز کو جی اے سی کے گرم کریں۔