محمد حفیظ نے بھی پی سی بی کی وضاحتی پریس کانفرنسز پر سوال اٹھا دیا

 لاہور: محمد حفیظ نے ورلڈکپ کے بعد تسلسل کیساتھ ہونے والی پی سی بی کی پریس کانفرنسز کو تنقید کا نشانہ بنایا ہے۔

سماجی رابطوں کی ویب سائٹ کا سہارا لیتے ہوئے انہوں نے لکھا کہ پریس کانفرنس بمقابلہ، پریس کانفرنس بمقابلہ پریس کانفرنس۔ ساتھ ہی انہوں نے بلیم گیم کا ہیش ٹیگ بھی دیا۔

یہ بھی پڑھیں: سرفراز احمد کو صرف ٹی ٹوئنٹی کا کپتان برقرار رکھنے کا امکان

یاد رہے کہ پاکستان ٹیم ورلڈکپ کے سیمی فائنل تک بھی رسائی نہیں حاصل کرپائی،بیٹنگ میں عدم استحکام اور فیلڈنگ میں خامیوں سمیت کئی مسائل سامنے آئے، اس کے باوجود پی سی بی نے کرکٹرز کو میڈیا کے سامنے ایسے پیش کیا کہ جیسے ورلڈکپ جیت کر آئے ہوں،اچھی کارکردگی کا راگ الاپا گیا، امام الحق نے لاہور میں پریس کانفرنس کے دوران اپنے چچا انضام الحق کا بھرپور دفاع کیا۔

The post محمد حفیظ نے بھی پی سی بی کی وضاحتی پریس کانفرنسز پر سوال اٹھا دیا appeared first on ایکسپریس اردو.

شکریہ ایکسپریس اردو » کھیل