امپائر ولسن کے وکی پیڈیا پیج میں ترمیم، شائقین نے’ نابینا‘ لکھ دیا

برمنگھم:  شائقین نے پہلے ایشز ٹیسٹ میں ذمہ داری انجام دینے والے امپائر جوئیل ولسن کے وکی پیڈیا پیج میں ترمیم کرتے ہوئے انھیں ’ نابینا‘ لکھ دیا۔

انگلینڈ اور آسٹریلیا کے درمیان ایجبسٹن ٹیسٹ میں ویسٹ انڈیز سے تعلق رکھنے والے فیلڈ امپائر ولسن نے کئی علط فیصلے دیئے، دوسرے امپائر علیم ڈار بھی اس معاملے میں پیچھے نہ رہے۔

البتہ ولسن زیرعتاب آئے، ترمیم کے بعد ان کے وکی پیڈیا پیج پر لکھا تھا کہ جوئیل شیلڈن ولسن 30 دسمبر 1966 کو پیدا ہوئے، وہ ٹرینیڈاڈ اینڈ ٹوباگو سے تعلق رکھنے والے ایک ’بلائنڈ‘ انٹرنیشنل کرکٹ امپائر ہیں۔ صرف یہی نہیں بلکہ ان کی سوشل میڈیا پر کئی میمز بھی بنائی گئیں۔

The post امپائر ولسن کے وکی پیڈیا پیج میں ترمیم، شائقین نے’ نابینا‘ لکھ دیا appeared first on ایکسپریس اردو.

شکریہ ایکسپریس اردو » کھیل