لاہور: ٹی 10 لیگ میں شرکت سے محرومی پر کئی قومی کرکٹرز کے پی سی بی کے خلاف بغاوت پر اتر آنے کا انکشاف ہوا ہے۔
ویب سائیٹ کرک انفو کی رپورٹ کے مطابق متحدہ عرب امارات میں کھیلی جارہی ٹی 10 لیگ کے لیے این او سی منسوخ کئے جانے پر عماد وسیم، محمد عامر اور شعیب ملک سمیت کرکٹرز کا ایک گروپ بورڈ کے خلاف اعلان بغاوت کرنے کو تیار تھا لیکن چیف ایگزیکٹو وسیم خان سے ملاقات میں بات چیت میں معاملہ وقتی طور پر ٹھنڈا پڑ گیا لیکن پاکستان کی آسٹریلیا کیخلاف ٹی 20 سیریز ختم ہونے کے بعد ایک بار پھر کھلاڑیوں کی جانب سے مسئلے کا حل نکالنے کا مطالبہ سامنے آسکتا ہے۔
ذرائع کے مطابق ایک کرکٹر نے نام ظاہر نہ کرنے کی شرط پر بتایا ہے کہ ہمیں بھارت کی مثالیں دی جاتی ہیں، جہاں کھلاڑیوں کو آئی پی ایل کے سوا کھیلنے کی اجازت نہیں دی جاتی لیکن بھارتی کھلاڑی اس ایونٹ سے کروڑوں کماتے ہیں، ڈومیسٹک کرکٹ سے بھی بھاری کمائی ہوتی ہے،ان کو غیر ملکی لیگز کھیلنے کی ضرورت نہیں پڑتی۔
The post ٹی 10 لیگ میں عدم شرکت پر پی سی بی کیخلاف کھلاڑی بغاوت پر اترنے کو تیار appeared first on ایکسپریس اردو.
شکریہ ایکسپریس اردو » کھیل