کیلی فورنیا: امریکا میں محو پرواز طیارے میں ایک خاتون نے بچی کو جنم دیدیا جس کا نام جائے پیدائش کی مناسبت ’اسکائی‘ یعنی آسمان رکھ دیا گیا ہے۔
بین الاقوامی خبر رساں ادارے کے مطابق فلوریڈا سے شمالی کیلی فورنیا جانے والی امریکن ایئرلائن کی پرواز 868 میں ہزاروں فٹ بلندی پر ایک خو بصورت بیٹی کو جنم دینے والی ماں ’نیریدا آراؤجو‘ نے اپنی بیٹی کا نام اسکائی یعنی آسمان رکھ دیا ہے۔
افریقی نژاد ماں نے اپنی فیس بک پوسٹ میں لکھا کہ فضاؤں میں جنم لینی والی بچی کا نام اسکائی سے اچھا اور کیا ہوسکتا ہے۔ میں نے اپنی بیٹی کا نام لیزیانا اسکائی ٹیلر رکھنے کا فیصلہ کیا ہے۔ جس پر صارفین نے خوشی کا اظہار کیا جب کہ امریکی ایئرلائن کی جانب سے نومولود کو تحفے بھی دیئے گئے۔
ماں نیریدا کو ایک روز قبل اُن کی ڈاکٹر اور ایئرپورٹ پر طبی ٹیم نے فضائی سفر کرنے کی اجازت دے دی تھی لیکن ڈیڑھ گھنٹے کے پرواز کے بعد ہی ان کی طبیعت بگڑ گئی اور بچی کو جنم دینا پڑ گیا تھا جس میں طیارے کے عملے نے اُن کی مدد کی تھی۔
The post امریکا میں دوران پرواز پیدا ہونے والی بچی کا نام ’اسکائی‘ رکھ دیا گیا appeared first on ایکسپریس اردو.
شکریہ ایکسپریس اردو » دلچسپ و عجیب