یونس خان کے تجربے سے بھرپور فائدہ اٹھانے کی کوشش کریں گے، اظہر علی

 لاہور: اظہر علی کا کہنا ہے کہ انگلینڈ کی سیریزمیں دباؤ ہوگا اس دوران وہ یونس خان کے تجربے سے بھرپور فائدہ اٹھانے کی کوشش کریں گے۔

قومی ٹیسٹ کرکٹ ٹیم کے کپتان اظہر علی نے کہا کہ انگلینڈ کی سیریزمیں دباؤ ہوگا،اس دوران یونس خان کے  تجربے سے بھرپور فائدہ اٹھانے کی کوشش کریں گے، یونس خان کے ہمراہ متعدد ٹیسٹ میچوں میں پاکستان کی نمائندگی کرنا اپنی خوش قسمتی سمجھتے ہیں۔

اظہر علی نے کہا کہ بہترین تکنیک، ذہنی پختگی اور میچ کے دوران ہر لمحہ بدلتی صورتحال کا جائزہ لینے کی صلاحیت کے سبب یونس خان نے میدان کے اندر اور باہر حریف ٹیموں پر اپنی دھاک بٹھائی، یونس خان کی تقرری درحقیقت نوجوان اور ابھرتے ہوئے کھلاڑیوں کے لیے اپنی صلاحیتوں میں نکھار لانے کا بہترین موقع ہے۔

With a great technique, mental strength and match assessment, he not only dominated the opposition on the field but off the field as well: @AzharAli_

More ➡️ https://t.co/ZCfyz3vb1i pic.twitter.com/oMkSbJi0VQ

— Pakistan Cricket (@TheRealPCB) June 11, 2020

ٹیسٹ کپتان نے کہا کہ یونس خان وہ نان انگلش بیٹسمین ہیں جنہوں نے گذشتہ 2 دہائیوں میں انگلینڈ کی کنڈیشنز میں مسلسل رنز بنائے جب کہ ذاتی طور پر وہ اسے قابل رشک عمل سمجھتے ہیں کہ ہماری رہنمائی کے لیے ڈریسنگ روم میں مصباح الحق، وقار یونس،یونس خان اور مشتاق احمد پر مشتمل 332 ٹیسٹ میچوں کا مشترکہ تجربہ موجود ہوگا۔

واضح رہے قومی ٹیسٹ کرکٹ ٹیم کے کپتان اظہر علی نے یونس خان کے  ہمراہ 48 اننگز میں 2628 رنز بنائے۔

The post یونس خان کے تجربے سے بھرپور فائدہ اٹھانے کی کوشش کریں گے، اظہر علی appeared first on ایکسپریس اردو.

شکریہ ایکسپریس اردو » کھیل