مکی آرتھر فارغ بیٹھ کر اکتا گئے

کولمبو: سری لنکا کے ہیڈ کوچ مکی آرتھر فارغ بیٹھ کر اکتا گئے۔

مکی آرتھر کو ہیڈ کوچ کی ذمہ داری سنبھالے ایک برس ہوچکا مگر اس دوران ٹیم نے بہت ہی کم کرکٹ کھیلی، کورونا وائرس کی وجہ سے کئی سیریز اور ایونٹ ملتوی ہوئے، حال ہی میں بنگلہ دیش سے ہوم سیریز بھی قرنطینہ مدت پر اختلافات کی وجہ سے ختم ہوگئی۔

آرتھر نے کہاکہ انگلینڈ اور دیگر ممالک میں براہ راست کرکٹ دیکھ کر میری فرسٹریشن میں اضافہ ہورہا ہے، فروری سے سری لنکا نے کوئی انٹرنیشنل میچ نہیں کھیلا، میں اس صورتحال سے اکتا گیا ہوں۔

 

The post مکی آرتھر فارغ بیٹھ کر اکتا گئے appeared first on ایکسپریس اردو.

شکریہ ایکسپریس اردو » کھیل