ملک میں زیادہ تر ٹیسٹ سینٹرز کی پچز بنانے والے حاجی بشیر چل بسے

 لاہور:  پی سی بی کے سابق ہیڈ گراؤنڈ مین حاجی بشیر احمد حرکت قلب بند ہونے سے انتقال کرگئے۔

حاجی بشیر احمد 40 سال سے زائد عرصے تک بورڈ کے ساتھ وابستہ رہے، قذافی اسٹیڈیم سمیت ملک میں زیادہ تر ٹیسٹ سینٹرز کی پچز انھوں نے بنائیں، ریٹائرمنٹ کے بعد وہ ان دنوں مختلف نجی گراؤنڈز کی پچز تیار کررہے تھے، وہ لاہور قلندرز کے ہائی پرفارمنس سینٹر کے ساتھ بھی وابستہ تھے۔

ماجد خان، حنیف محمد، عمران خان، جاوید میانداد، انضمام الحق، ویوین رچرڈز سمیت دنیا کے ٹاپ اسٹارز حاجی بشیر کی بنائی پچز پر کرکٹ کھیل چکے۔

The post ملک میں زیادہ تر ٹیسٹ سینٹرز کی پچز بنانے والے حاجی بشیر چل بسے appeared first on ایکسپریس اردو.

شکریہ ایکسپریس اردو » کھیل