کےٹو سر کرنے کی کوشش میں افغان کوہ پیما زندگی کی بازی ہار گیا

دنیا کی دوسری بلند ترین چوٹی سر کرنے کی کوشش میں دل کا دورہ پڑنے سے غیر ملکی کوہ پیما جاں بحق ہوگیا۔

ذرائع کا کہنا ہے کہ چوٹی سر کرنے کی کوشش میں دل کا دورہ پڑنے سے افغان کوہ پیما علی اکبر سخی جاں بحق ہوئے، انکی میت کو بیس کیمپ لانے کی کوشش کی جارہی ہے۔

ذرائع کا بتانا ہے کہ افغان کوہ پیما کی میت کو ریسیکیو کے لیے جانے والی ٹیم میں سرباز خان اور سہیل شیخ شامل ہیں۔

مزید پڑھیں: پاکستان کی دو خواتین کوہ پیماؤں نے دنیا کی دوسری بلند ترین چوٹی سر کرلی

افغان کوہ پیما علی اکبر سخی کو کیمپ 3 پر دل کا دورہ پڑا جس کے باعث وہ جانبر ناہوسکے۔

واضح رہے کہ پاکستان میں رواں برس کےٹو سمیت دیگر پہاڑوں کو سر کرنے کی مہم جوئی کیلئے تقریباً 600 کوہ پیماؤں کے گروپس کو لائسنس جاری کیے ہیں۔

The post کےٹو سر کرنے کی کوشش میں افغان کوہ پیما زندگی کی بازی ہار گیا appeared first on ایکسپریس اردو.

شکریہ ایکسپریس اردو » کھیل