روٹرڈیم: پاکستان نے نیدر لینڈز کے خلاف سیریز کے تیسرے اور آخری ون ڈے انٹرنیشنل میں ٹاس جیت کر پہلے بیٹنگ کرنے کا فیصلہ کرلیا۔
روٹرڈیم میں کھیلے جانے والے میچ میں پاکستانی ٹیم کے کپتان بابراعظم نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ کوشش ہوگی آخری میچ جیت کر سیریز میں 0-3 کی برتری حاصل کریں۔
سیریز کے آخری میچ میں پاکستان نے اسکواڈ میں چار تبدیلیاں کی ہیں، اوپنر امام الحق، نائب کپتان شاداب خان، محمد رضوان اور حارث رؤف کی جگہ عبداللہ شفیق، زاہد محمود، محمد حارث اور شاہنواز دھانی کو فائنل الیون کا حصہ بنایا گیا ہے۔
نوجوان بیٹر عبداللہ شفیق آج نیدر لینڈز کیخلاف ڈیبیو کرنے والے پاکستان کے 238ویں کرکٹر ہوں گے۔
پاکستان کا اسکواڈ:
کپتان بابراعظم، عبداللہ شفیق، فخر زمان، سلمان علی آغا، خوشدل شاہ، محمد حارث، محمد نواز، محمد وسیم، شاہنواز دھانی، نسیم شاہ اور زاہد محمود شامل ہیں۔
The post تیسرا ون ڈے: پاکستان کا نیدر لینڈز کیخلاف بیٹنگ کا فیصلہ appeared first on ایکسپریس اردو.
شکریہ ایکسپریس اردو » کھیل