وزیراعظم شہباز شریف نے دنیا کی بلند ترین چوٹی ماؤنٹ ایورسٹ سر کرنے والی دوسری خاتون پاکستانی کوہ پیما نائلہ کیانی کو ستارہ امتیاز دینے کا اعلان کردیا۔
ایکسپریس نیوز کے مطابق وزیراعظم شہباز شریف کی ہدایت پر خاتون کوہ پیما نائلہ کیانی کو ستارہ امتیاز دینے کا باضابطہ نوٹیفیکیشن جاری کردیا گیا ہے۔
وزیراعظم آفس نے سیکرٹری کابینہ کو ضابطے کی کارروائی مکمل کرنے کی بھی ہدایت کردی ہے۔
قبل ازیں نائلہ کیانی نے حال ہی میں سطح سمندر سے 8091 میٹر بلند دنیا کے 10ویں بلند ترین پہاڑ اناپورنا کو بھی سر کرنے کا کارنامہ سر انجام دیا تھا۔
مزید پڑھیں: پاکستانی کوہ پیما نائلہ کیانی نے ماؤنٹ ایورسٹ کو سر کر لیا
واضح رہے کہ سال 2013 میں ثمینہ بیگ پہلی پاکستانی خاتون تھیں جنہوں نے ماؤنٹ ایورسٹ سر کی تھی۔
The post خاتون کوہ پیما نائلہ کیانی کو ستارہ امتیاز دینے کا اعلان appeared first on ایکسپریس اردو.
شکریہ ایکسپریس اردو » کھیل