MrJazsohanisharma

اسپین کے غار سے ملنے والی سینڈل ہزاروں سال پرانے قرار

سائنس

میڈرڈ: جنوبی اسپین میں واقع ایک غار سے سینڈل دریافت ہوئی ہیں جن کو یورپ میں دریافت ہونے والے جوتوں میں سب سے پرانے جوتے قرار دیا جارہا ہے۔ سائنس دانوں کے مطابق یہ جوتے 6200 سال پرانے ہوسکتے ہیں۔

سائنس ایڈوانسز جرنل میں شائع ہونے والے ایک مقالے کے مطابق اسپین کے جنوبی شہر غرناطہ کے قریب موجود غار سے 19 ویں صدی میں دریافت ہونے والی ٹوکریاں، آلات اور سینڈل تعین کردہ دور سے زیادہ پرانے ہیں۔

تحقیق میں 76 اشیاء کی تاریخ کا تعین کرنے کے لیے ریڈیو کاربن ڈیٹنگ کا طریقہ استعمال کیا گیا۔ ان اشیاء میں ٹوکریاں اور مخصوص قسم کی گھاس سے بنائے گئے 22 سینڈل شامل ہیں۔

قدیم انسان گھاس کو بن کر ٹوکریاں، بستے اور سینڈل بناتے تھے۔ اشیاء بنانے سے قبل گھاس کو 20 سے 30 دن تک سکھایا جاتا تھا جس کے بعد 24 گھنٹے تک دوبارہ گیلا کیا جاتا تھا۔

اس ہی طرح کے سینڈل آرمینیا میں پائے گئے تھے جو اندازاً 5500 سال پرانے ہیں  جبکہ اوٹزی دی آئس مین (1991 میں اٹلی سے دریافت ہونے والا قبل از تاریخ آدمی) کے جوتے 5300 سال پرانے ہیں۔

تحقیق کے سربراہ محققین فرانسسکو مارٹینیز سیویلا کا ایک نیوز ریلیز میں کہنا تھا کہ ٹوکری بنانے کے عمل کا معیار اور تکنیکی پیچیدگی سائنس دانوں کے ذہن میں جنوبی یورپ میں زراعت آنے سے قبل انسانی معاشروں کے متعلق سوال اٹھاتی ہے۔

دریافت ہونے والے سینڈلوں میں تسمے نہیں ہیں لیکن کچھ کے درمیان میں ایک بُنی ہوئی لٹ جڑی ہوئی تھی جس کو سینڈل پہننے والا ٹخنوں پر باندھ سکتے تھے۔

The post اسپین کے غار سے ملنے والی سینڈل ہزاروں سال پرانے قرار appeared first on ایکسپریس اردو.



شکریہ ایکسپریس اردو » دلچسپ و عجیب

ویب سائٹ کے بارے میں

ایک تبصرہ شائع کریں

جدید تر اس سے پرانی