مینیسوٹا: امریکی ایئرپورٹ پر کسٹم ایجنٹس نے ملک میں زرافے کا فضلا لے کر آنے پر خاتون سے ڈبہ قبضے میں لے لیا۔
امریکی کسٹمز اور بارڈر پروٹیکشن کے مطابق امریکی ریاست مینیسوٹا کے مینیپولس سینٹ پال ہوائی اڈے پر پہنچنے والی خاتون کے سامان کا جب معائنہ کیا گیا تو اس میں سے ایک ڈبہ نکلا جس میں زرافے کا فضلا تھا۔
خاتون نے حکام کو بتایا کہ اس نے کینیا کے دورے پر زرافے کے فضلا کو اٹھایا اور اس سے ہار بنانے کے لیے اپنے سامان میں واپس لائی۔ آئیووا سے تعلق رکھنے والی خاتون نے بتایا کہ اس نے اس سے پہلے موس (moose) کے فضلے سے ہار بنایا تھا۔
مینیسوٹا کے پبلک ریڈیو کے مطابق زرافے کو مناسب اجازت نامے اور معائنہ کے ساتھ امریکہ لایا جا سکتا ہے۔ اسٹیشن نے اطلاع دی کہ خاتون کو پابندیوں کا سامنا نہیں کرنا پڑے گا کیونکہ اس نے فضلا ظاہر کرنے میں تعاون کیا اور اسے کسٹم حکام کے حوالے بھی کردیا۔
The post ہار بنانے کیلیے زرافے کا فضلا لانے والی خاتون کو کسٹم والوں نے پکڑلیا appeared first on ایکسپریس اردو.
شکریہ ایکسپریس اردو » دلچسپ و عجیب