پاکستان کرکٹ بورڈ (پی سی بی) مینجمنٹ کمیٹی کے سربراہ ذکا اشرف نے انکشاف کیا ہے کہ بھارتی بورڈ (بی سی سی آئی) کے سیکریٹری کے ساتھ پاک بھارت سیریز پر بات ہوئی ہے۔
گزشتہ روز پریس کانفرنس کرتے ہوئے مینجمنٹ کمیٹی کے سربراہ ذکا اشرف نے کہا کہ بی سی سی آئی سیکریٹری پاک بھارت دو طرفہ سیریز کی بحالی میں دلچسپی رکھتے ہیں اور رواں سال کے آخر میں بھارت میں انتخابات کے بعد مثبت پیشرفت کا امکان ہے۔
انہوں نے کہا کہ بھارتی کرکٹ بورڈ دو طرفہ سیریز کیلئے تیار ہے تاہم انہیں حکومتی اجازت درکار ہے تاہم انتخابات کے بعد جے شاہ سے دوبارہ ملاقات کریں گے۔
مزید پڑھیں: کوہلی کون ہے؟ برازیلین فٹبالر کا کرکٹر کو پہچاننے سے انکار، ویڈیو وائرل
واضح رہےکہ دونوں ممالک کے درمیان دو طرفہ سیریز آخری بار 2012-13 میں ہوئی تھی، جس کے بعد سے روایتی حریف محض آئی سی سی ایونٹس میں ایک دوسرے کے مدمقابل آتے ہیں۔
The post کیا پاک بھارت دوطرفہ سیریز ہوگی، ذکا اشرف کا بڑا بیان سامنے آگیا appeared first on ایکسپریس اردو.
شکریہ ایکسپریس اردو » کھیل