ٹی20 ورلڈکپ میں سپر 12 مرحلے کے 24 ویں اور اہم میچ میں پاکستان کی جنوبی افریقہ کے خلاف بیٹنگ جاری ہے۔
سڈنی میں کھیلے جارہے میچ میں قومی ٹیم کے کپتان بابراعظم نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ میچ ہمارے لیے انتہائی اہم ہے کوشش ہوگی پروٹیز کو شکست دیکر سیمی فائنل میں پہنچنے کی امیدوں کو برقرار رکھیں۔
اس موقع پر جنوبی افریقی کپتان نے کہا کہ میچ جیت کر سیمی فائنل میں اپنے سیٹ کو پکا کرنا چاہتے ہیں، کوشش ہوگی پاکستان کو جلد آؤٹ کرکے پریشر میں لائیں۔ جنوبی افریقہ کی ٹیم میں دو تبدیلیاں کی گئی ہیں مڈل آرڈر بیٹر ڈیوڈ ملر اور اپنر کیشو مہاراج کا آرام کروایا گیا ہے۔
دوسری جانب قومی ٹیم میں ایک تبدیلی کی گئی ہے اوپنر فخر زمان انجری کا شکار ہوکر ورلڈکپ سے باہر ہوگئے ہیں انکی جگہ محمد حارث کو پلئینگ الیون کا حصہ بنایا گیا ہے۔
پاکستان کا اسکواڈ:
کپتان بابراعظم، محمد رضوان، شان مسعود، افتخار احمد، محمد حارث، محمد نواز، محمد وسیم جونیئر، شاہین شاہ آفریدی، نسیم شاہ اور حارث رؤف
جنوبی افریقہ کا اسکواڈ
کپتان ٹیمبا بووما، کوئنٹن ڈی کوک، ریلی روسو، ایڈن مارکرم، ہینرک کلاسن، ٹرسٹن اسٹبس، وین پارنیل، کاگیسو ربادا، اینریچ نورٹجے، لونگی نگیڈی
The post ٹی20 ورلڈکپ؛ پاکستان کی جنوبی افریقہ کیخلاف بیٹنگ جاری appeared first on ایکسپریس اردو.
شکریہ ایکسپریس اردو » کھیل