پاک بھارت میچ؛ بھارتی صحافی کا اسٹیڈیم میں چوری کی وارداتوں کا انکشاف

تحریرایڈیٹر •10/17/2023

0

بھارتی صحافی نے آئی سی سی ورلڈکپ میں پاکستان اور بھارت کے دوران شائقین کرکٹ کے ساتھ چوری کی ورداتوں کا انکشاف کردیا۔

احمد آباد کے نریندر مودی کرکٹ اسٹیڈیم میں روایتی حریف پاکستان اور بھارت کے درمیان میچ دیکھنے والے شائقین کرکٹ اپنے موبائل فونز، پرس سمیت کئی قیمتی اشیاء سے محروم ہوگئے۔

ٹوئٹر پر بھارتی صحافی وکرانت گپتا کی ٹوئٹ وائرل ہورہی جس میں انہیں بتاتے ہوئے دیکھا جاسکتا ہے کہ ’’میں اور ایک دوست گیٹ سے داخل ہونے کی بات کررہے تھے کہ ایک منٹ سے بھی کم وقت میں فون چوری ہوگیا‘‘۔

انہوں نے سوال اٹھایا کہ ’’اسٹیڈیم میں 1 لاکھ 25 سے زائد تماشائی آتے ہیں تو سیکیورٹی کے مسائل ضرور ہوتے ہیں لیکن چوریاں ہمارا تشخص خراب کررہی ہیں‘‘۔

معروف صحافی نے کہا کہ پاک بھارت میچ کے دوران کئی سو افراد نے اپنے فون، پرس سمیت کئی قیمتی چیزیں چوری ہونے کی شکایات درج کروائی ہیں۔

گزشتہ دنوں بھارتی اداکارہ و ماڈل اروشی روٹیلا بھی پاک بھارت میچ کے دوران اپنے مہنگے ترین فون سے محروم ہوگئیں تھی جس پر انہوں نے سوشل میڈیا پر پوسٹ بھی شیئر کی تھی۔

اداکارہ کا کہنا تھا کہ اروشی نے سوشل میڈیا پر مداحوں سے درخواست کی کہ میرا 24 قیراط گولڈ والا آئی فون کھو گیا! اگر کسی کو یہ فون نظر آجائے تو برائے مہربانی میری مدد کرتے ہوئے مجھ سے جلد از جلد رابطہ کرے۔

واضح رہے کہ دونوں ٹیموں کے درمیان کھیلے گئے میچ میں میزبان نے گرین شرٹس کو یکطرفہ مقابلے کے بعد 7 وکٹوں سے شکست دی تھی۔

I don't understand why were so many precious items stolen from the stadium in Ahmedabad? Why are there so many thieves? Really glad Vikrant ji raised this issue
Shukar hay Pakistan fans weren't there otherwise unka bhi nuksaan hojata #CWC23 pic.twitter.com/PzHtKwAQjl

— Farid Khan (@_FaridKhan) October 17, 2023