دمبولا: ویمنز ایشیا کپ میں یو اے ای کے خلاف میچ کے دوران پاکستانی کھلاڑی گل فیروزہ کی جانب سے شاندار کیچ پکڑا گیا جس کے سوشل میڈیا پر چرچے ہو رہے ہیں۔
قومی ٹیم کو سیمی فائنل میں پہنچانے والی گل فیروزہ نے فیلڈنگ میں بھی شاندار مظاہرہ کیا۔
گل فیروزہ نے اسپنر سعدیہ اقبال کی گیند پر یو اے ای کی بلے باز ہینا ہاٹ چاندانی کا ڈائیو لگا کر ایک ہاتھ سے کیچ پکڑا جس پر شائقین داد دیے بغیر نہ رہ سکے۔
واضح رہے کہ ویمنز ایشیا کپ میں یو اے ای کی ٹیم مقررہ 20 اوورز میں 103 رنز بنا سکی تھی جبکہ پاکستان ٹیم نے 10 وکٹوں سے میچ جیت کر تاریخ رقم کی۔
اوپنر گل فیروزہ نے 8 چوکوں کی مدد سے 62 رنز کی ناقبل شکست اننگز کھیلی جس پر انہیں پلیئر آف دی میچ ایوارڈ بھی دیا گیا۔ ساتھی اوپنر منیبہ علی 37 رنز بنا کر ناٹ آؤٹ رہی۔
نیپال اور یو اے ای کو شکست دینے کے بعد پاکستان ویمنز ٹیم ایشیا کپ کے سیمی فائنل میں پہنچ گئی۔ قومی ٹیم کو ابتدائی میچ میں بھارت سے شکست کا سامنا کرنا پڑا تھا۔
The post یو اے ای کیخلاف میچ میں گل فیروزہ کا شاندار کیچ، ویڈیو وائرل appeared first on ایکسپریس اردو.
شکریہ ایکسپریس اردو » کھیل