پاکستان کرکٹ بورڈ (پی سی بی) نے ریڈ بال ٹیم کے ہائی پرفارمنس کوچ کی تلاش کیلئے اشتہار جاری کردیا۔
پی سی بی کے مطابق ہائی پرفارمنس کوچ، ہیڈ کوچ کی گیم پلاننگ میں معاونت کرے گا جبکہ کھلاڑیوں کی پرفارمنس میں اضافے کیلئے ٹورنامنٹس سے پہلے اور بعد میں تیاریوں کے حوالے سے بھی ہیڈ کوچ کو مطلع کرے گا۔
اس پوزیشن کیلئے 5 سالہ تجربہ اور کم از کم لیول 2 کوچ درخواست دینے کے اہل ہیں، خواہشمند امیدوار 7 اکتوبر تک درخواستیں جمع کرا سکتے ہیں۔
مزید پڑھیں: عدالت کا پی سی بی کو کرکٹرز کی جرسی پر گیمبلنگ کی تشہیر نہ کرنے کا حکم
بنگلا دیش کے خلاف سیریز میں ٹم نیلسن نے ہائی پرفارمنس کوچ کی ذمے داری نبھائی تھی، انہیں ساؤتھ آسٹریلیا سے ریڈ بال کوچ جیسن گلیسپی لائے تھے۔
ذرائع کا کہنا ہے کہ ٹم نیلسن ہی ریڈ بال کے ہائی پرفارمنس کوچ ہوں گے، باقاعدہ تقرری کے لیے ضروری کارروائی کے طور پر اشتہار دے دیا گیا ہے۔
The post ریڈ بال ٹیم کے ہائی پرفارمنس کوچ کیلئے اشتہار جاری appeared first on ایکسپریس اردو.
شکریہ ایکسپریس اردو » کھیل