مسلسل دوسرے فائنل سے باہرعلیم ڈار آئی سی سی کے دل سے اتر گئے

 لاہور:  ایلیٹ پینل میں شامل پاکستانی امپائر علیم ڈار آئی سی سی کے دل سے اتر گئے۔

ورلڈ کپ سیمی فائنلز کے بعد اب فائنل میں بھی انھیں امپائرنگ سے محروم رکھا گیا ہے، نیوزی لینڈ اور انگلینڈ کے درمیان اتوار کو ہونے والے فیصلہ کن میچ کیلیے آفیشلز میں علیم ڈار ریزرو امپائرہوں گے، آسٹریلیا اور انگلینڈ کے درمیان دوسرے سیمی فائنل میں بھی وہ ریزرو امپائر تھے۔

یہ مسلسل دوسرا ورلڈ کپ ہے جس کے سیمی فائنل اور فائنل میں علیم ڈار امپائرنگ کے اعزاز سے محروم رہیں گے، 2015 کے عالمی کپ میں بھی ان کو مقرر کرنے سے گریز کیا گیا تھا، انھوں نے ورلڈکپ 2007اور 2011 کے فائنل میچز میں امپائرنگ کی تھی۔

The post مسلسل دوسرے فائنل سے باہرعلیم ڈار آئی سی سی کے دل سے اتر گئے appeared first on ایکسپریس اردو.

شکریہ ایکسپریس اردو » کھیل